រឿងមិនដែលជួប កូនភ្លោះ នាំគ្នារត់ចូលសិល្បៈទាំង ២ នាក់ Trackback
នៅ
ក្នុងសង្គមសិល្បៈខ្មែរមិនធ្លាប់មានឡើយ
កូនភ្លោះនាំគ្នាចូលសិល្បៈទាំង ២ នាក់ ប៉ុន្តែថ្ងៃនេះ Sabay
សូមណែនាំទស្សនិកជនទៅស្គាល់កូនភ្លោះ ១គួរ
ដែលបានស្ម័គ្រចិត្តចូលសិល្បៈទាំង ២ នាក់ នោះគឺ លោក ស៊ិន សុភា និង
លោក ស៊ិន សុភ័ក្ត្រ ជាពិធីករ របស់ស្ថានីយទូរទស្សន៍ប៉ុស្ដិ៍លេខ ៣។
បច្ចុប្បន្ន កូនភ្លោះទាំង ២ នាក់នោះ កំពុងតែកាន់កម្មវិធីចំនួន ២ នៅស្ថានីយទូរទស្សន៍ប៉ុស្ដិ៍លេខ៣ មានកម្មវិធីខ្សឹបដាក់មីក្រូ “វគ្គកូនភ្លោះនាំផ្លូវ” និង កម្មវិធី “សួនកុមារ”។ លោក ស៊ិន សុភា ជាបង បានប្រាប់ Sabay ថា លោកមានស្រុកកំណើតក្នុង ខេត្តបន្ទាយមានជ័យ បច្ចុប្បន្នទាំង ២ នាក់បងប្អូន ជានិស្សិតឆ្នាំទី ២ នៃសាកលវិទ្យាល័យភូមិន្ទនីតិសាស្ត្រ និង វិទ្យាសាស្ត្រសេដ្ឋ។
ដោយសារតែ មានចិត្តស្រលាញ់សិល្បៈ ទាំង ២ នាក់ បងប្អូនបានព្យាយាមចូលប្រលងកម្មវិធីសិល្បៈជាច្រើនលើកទាំងនៅក្នុង ខេត្ត ដែលខ្លួនរស់នៅ ក៏ដូចជា នៅតាមបណ្ដាស្ថានីយទូរទស្សន៍។ ក្នុងចំណោម ៤ ទៅ ៥ កម្មវិធីដែល បងប្អូនទាំង ២ នាក់ ធ្លាប់ចូលប្រលង គឺមានតែកម្មវិធី Systema Star Search Season 2 របស់ស្ថានីយទូរទស្សន៍ប៉ុស្ដិ៍លេខ ៣ ដែលពួកគេប្រលងជាប់ ដោយនៅក្នុងនោះ បងប្អូនទាំង ២ នាក់ បានជាប់ចំណាត់ថ្នាក់លេខ ៥ ផ្នែក ពិធីករ ។
លោក ស៊ិន សុភា បានបន្តឲ្យដឹងថា ពេលជាប់កម្មវិធីខាងលើភ្លាម ខាងស្ថានីយទូរទស្សន៍ប៉ុស្ដិ៍លេខ ៣ បានឲ្យមកសាកល្បងការងារនៅស្ថានីយ ប៉ុន្តែ ដោយឪពុករបស់លោក ធ្លាក់ខ្លួនឈឺ ហើយជីវភាពមានការធ្លាក់ចុះ អ្នកទាំង២ មិនបានមកចាប់អាជីពសិល្បៈភ្លាមៗឡើយ ព្រោះត្រូវទៅជួយរកស៊ីដើម្បីផ្គត់ផ្គង់គ្រួសារ។
ទោះបីយ៉ាង នេះក្ដី លោក សុភា បានប្រាប់ថា ស្ថានីយទូរទស្សន៍ប៉ុស្ដិ៍លេខ៣ មិនបានបោះបង់ អ្នកទាំង ២ ចោលឡើយ គឺនៅតែផ្ដល់ឱកាសដដែល ប្រហែលជា ២ ឆ្នាំ ពេលដែលបងប្អូនទាំង ២ នាក់ ឡើងមករៀននៅភ្នំពេញ ទើបមកចាប់អាជីពជាពិធីករនៅប៉ុស្ដិ៍លេខ ៣ នេះតែម្ដង។ បច្ចុប្បន្នអ្នកទាំង ២ កំពុងតែកាន់កម្មវិធីចំនួន ២ មានកម្មវិធីខ្សឹបដាក់មីក្រូ “វគ្គកូនភ្លោះនាំផ្លូវ” និង កម្មវិធី “សួនកុមារ” ដោយកម្មវិធីទាំងនេះ បានកាន់ជាង ១ ឆ្នាំ មកហើយ។
លោក ស៊ិន សុភា បានឲ្យដឹងបន្ថែមទៀតថា ក្រៅពីការងារជាពិធីករ បងប្អូនទាំង ២ នាក់ក៏ចេះច្រៀងផងដែរ។ ជារៀងរាល់យប់ អ្នកទាំង ២ ច្រៀង នៅក្លឹបកម្សាន្តមួយ។ ចំណូលដែលបានមកពី ការងារសិល្បៈទាំង ២ កន្លែងនេះ បានល្មម សម្រាប់ផ្គត់ផ្គង់ ការសិក្សាក៏ដូចជា ការចាយវាយប្រចាំថ្ងៃ មិនចាំបាច់ពឹងម្ដាយនៅស្រុកផ្ញើមកឲ្យឡើយ។
លោក ស៊ិន សុភា បានលើកឡើងថា ពួកគេ និង ខិតខំបន្ថែមទៀត ដើម្បីឲ្យទស្សនិកជនកាន់តែស្គាល់ជាងនេះ ព្រោះដូចបានលើកឡើងហើយ អាជីពជាអ្នកសិល្បៈនេះ អ្នកទាំង ២ ស្រលាញ់ខ្លាំងណាស់៕
No comments:
Post a Comment