មូលហេតុ ៥ ដែលអ្នកមិនគួរ Jailbreak iOS 8.1 ដាច់ខាត

Tuesday, October 28, 2014 | 0 comments

មូលហេតុ ៥ ដែលអ្នកមិនគួរ Jailbreak iOS 8.1 ដាច់ខាត

សរសេរដោយ៖ ហ៊ាន ម៉ាលាភ ២៥ តុលា ២០១៤ ចំណាត់ថ្នាក់៖ គន្លឹះ iPhone ១៤ មតិ

តើអ្នកបានដឹងអ្វីខ្លះពីការ Jaibreak នៅលើ iOS? មិនថាការ Jailbreak iOS ជំនាន់ណានោះទេគឺសុទ្ធធ្វើឱ្យប៉ះពាល់ទៅដល់ទូរស័ព្ទរបស់លោកអ្នក ។ សំបុកអាយធីមិនផ្សាយពីការ Jailbreak iOS 8.1 មិនមែនមានន័យថាយើងមិនដឹងពីរបៀបនៃការ Jailbreak នោះទេ ប៉ុន្តែវាមានបញ្ហាជាច្រើនដែលអ្នកនឹងជួបប្រទះក្រោយពេល Jailbreak រួចហើយ ។

មានអក្សខ្មែរស្រាប់

គោលបំណងធំជាងគេនៃការ Jailbreak ដើម្បីប្រើប្រាស់ អក្សរខ្មែរបាន បើ iOS 8 មានពុម្ភអក្សរខ្មែរស្រាប់ ថែមទាំងអាចដំឡើងក្តារចុចដោយមិនបាច់ Jailbreak ទៅហើយនោះ តើអ្នកមានអ្វីចាំបាច់ទៀតក្នុងការ Jailbreak iOS 8.1។
khmer_language_ios8

ធ្វើឱ្យទូរស័ព្ទអ្នកដំណើរការមិនប្រក្រតី

iPhone /iPad ដែលបាន jailbreak ហើយភាគច្រើនគាំងៗ រអាក់រអួលដំណើរការមិនល្អ ហើយឆាប់អស់ថ្មជាងធម្មតា។ហើយបញ្ហាមួយទៀតដែលអាចឱ្យអ្នកអាចនឹងអស់លុយ $5 ដើម្បីឱ្យជាងជួសជុលឱ្យ

នោះគឺ នៅពេលអស់ថ្មរលត់ ទោះជាអ្នកសាកថ្មពេញ ឬយូយ៉ាងណាក៏មិនអាចបើកបានដែរ។ ដែលនេះជាបញ្ហាដែលកើតឡើងញឹងញាប់សម្រាប់អ្នកដែលបាន Jailbreak iPhone/iPad របស់គេហើយ។ វិធីដោះស្រាយនោះគឺ អ្នកគ្រាន់ Force Close (ចុចប៊ូតុង Home Button + Power Button ប្រហែល 4-5 វិនាទី) ហើយបើកវិញ។
maxresdefault-5

បើកកម្មវិធីមួយចំនួនតែងរលត់ទៅវិញ (Error ឬ Crash)

បើកកម្មវិធី Facebook មិនបានតែងរលត់ទៅវិញ គឺជាបញ្ហាដែលមិត្តអ្នកអានសំបុកអាយធីតែងតែសួរមកកាន់យើងខ្ញុំ ច្រើនបំផុត ជាងសំនួរណាទាំងអស់ដែលមិត្តអ្នកអានធ្លាប់សួរ។ ប្រាកដណាស់អ្នកជួបបញ្ហានេះសុទ្ធតែជាអ្នកដែលប្រើប្រាស់ iPhone /iPad ដែលបាន jailbreak ហើយដំឡើង font ខ្មែរ។ ហើយនៅមានកម្មវិធីជាច្រើនទៀតដែលងាយនឹង Error ឬ Crash ក្រោយពេលដែលអ្នកបាន Jailbreak iOS របស់អ្នករួច ។
facebook-iphone-700x393

អត្ថបទគួរអាន៖ ដំណោះស្រាយចំពោះបញ្ហា Error Facebook ក្នុង iOS

បាត់បង់សុវត្ថិភាព និងងាយប៉ះពាល់ដល់ Hardware

ហេតុអ្វីបានជាសំបុកអាយធីនិយាយថាការ jailbreak ធ្វើឱ្យបាត់បង់សុវត្ថិភាព? មានហេតុផលទាក់ទងនឹងសុវត្ថិភាពក្រោយពេល jailbreak iOS ជាច្រើនដែលអាចបណ្តាលឱ្យចិត្តអ្នកខ្លាចរអា លែងហ៊ាន Jailbreak ដោយសារតែ ៖លុបបំបាត់ស្រទាប់សុវត្ថិភាព: Jailbreak វាបានលុបចោលនូវស្រទាប់ការពារសុវត្ថិភាពនៃពត៌មានផ្ទាល់ខ្លួន នៅក្នុង iPhone របស់អ្នក។ ហេតុដូច្នេះហើយ Hacker ងាយនឹងលួចទិន្នន័យផ្ទាល់ខ្លួនរបស់អ្នក តាមរយៈ internet គេអាចបញ្ចូល malware, spyware ឬមេរោគបានយ៉ាងងាយ ។
touchscreen-responsiveness-hardware

ដូចពាក្យចចាមអារាមទៅលើ iOS 7.1.1 ថាគេបានរកឃើញ malware នៅក្នុង iPhone/iPad ដែលបាន jailbreak ហើយ។ មិនថាវាជារឿងពិត ឬជាចចាមអារាមក៏ដោយ ក្រុមអ្នកបង្កើតកម្មវិធីសម្រាប់ jailbreak សុទ្ធតែអាចដាក់បញ្ចូល Malware ចូលទៅក្នុង iPhone/iPad របស់អ្នកបានយ៉ាងងាយ ព្រោះអ្នកបានផ្តល់សិទ្ធឱ្យគេពេញលេញរួចទៅហើយតាមរយៈកម្មវិធីសម្រាប់ Jailbreak នោះ។

បាត់បង់សមត្ថភាព Update Version iOS

iOS ដែលបាន Jailbreak ហើយមិនសូវងាយស្រួលក្នុង Update ជំនាន់ថ្មីប៉ុន្មានទេ។ អ្នកមិនអាចចូលទៅ Update ដោយផ្ទាល់តាម internet ឡើយ ដើម្បី Update បានអ្នកត្រូវទាញយក Firmware របស់ Version ថ្មីឱ្យត្រូវនឹង iPhone/iPad របស់អ្នកហើយធ្វើការ Update តាម iTunes (Manual) ។ ជួនកាលមិនមានជំនួនដំណឹងនៅក្នុង iPhone/iPad របស់អ្នកតែម្តង ឬ បើមានជំនួនដំណឹងថាមាន iOS ជំនាន់ថ្មីដែលអាច Update បានក៏អ្នកមិនអាច Update បានដែរវាអាចធ្វើឱ្យ iPhone/iPad របស់អ្នកមិនដំណើរការតែម្តងប្រសិនបើអ្នកហ៊ាន Update តាម Internet ផ្ទាល់ ។
iOS-8-Error-Unable-to-Check-for-Update-620x387

iOS-8-Error-Unable-to-Check-for-Update-620x387

ទោះជាយ៉ាងណាក្តីវាជាការសម្រេចចិត្តរបស់លោកអ្នក និងទំនួលខុសត្រូវផ្ទាល់លើ ឧបករណ៍ដែលអ្នកប្រើប្រាស់ ។ អ្នកណាក៏ដឹងថា iOS 8 មានអក្សរខ្មែរមកស្រាប់ហើយថែមទាំងអាច ដំឡើងក្តារចុចបានទៀតផង ប្រសិនបើអ្នកចង់ Jailbreak iOS 8.1 គ្រាន់តែចង់លេង Style ទៅលើ icon ឬ ប្រើប្រាស់កម្មវិធីមួយចំនួនដោយឥតគិតថ្លៃ ឬចង់ Customize built-in feature នៅក្នុង iOS 8.1 នោះ អ្នកមិនត្រូវ Jailbreak ឡើយ ។ តើអ្នកយល់យ៉ាងណាចំពោះការលើកឡើងខាងលើ? សូមបញ្ជេញមតិរបស់លោកអ្នកតាមរយៈប្រអប់ខាងក្រោម៕

0 comments

គន្លឹះក្នុងការប្រើ Mac សម្រាប់អ្នកធ្លាប់ប្រើ Windows

| 0 comments

គន្លឹះក្នុងការប្រើ Mac សម្រាប់អ្នកធ្លាប់ប្រើ Windows

សរសេរដោយ៖ Lao Sopheak ១២ កញ្ញា ២០១៤ ចំណាត់ថ្នាក់៖ គន្លឹ Windows, គន្លឹះ Mac ១៦ មតិ

ការចាប់ផ្តើមការងារថ្មី ឬរបស់អ្វីមួយ ប្រាកដជាត្រូវការពេលវេលា ដើម្បីសិក្សា និងស្វែងយល់ជាក់ជាមិនខាន ជាពិសេសគឺការប្រើប្រាស់ឧបករណ៍បច្ចេកវិទ្យា ដូចជាកុំព្យូទ័រ និងទូរស័ព្ទដៃ ។ អ្វីដែលលោកអ្នកនឹងចំណាយពេលសិក្សាច្រើននោះគឺ ការប្តូរពីទម្លាប់ប្រើអ្វីមួយ ទៅបែបមួយផ្សេងទៀត ។ ឧទាហរណ៍៖ លោកអ្នកធ្លាប់ប្រើ Android ហើយប្តូរទៅប្រើ iPhone (ស្រួលជាងមុនច្រើនមែនទេ?) ។

នៅក្នុងអត្ថបទនេះ សំបុកអាយធី នឹងបង្ហាញជូនលោកអ្នកនូវគន្លឹះសម្រាប់កុំព្យូទ័រ ពីអ្នកដែលធ្លាប់ប្រើ Windows (ប្រហែលធុញទ្រាន់នឹងបញ្ហាមេរោគ គាំង ឈូសវីនដូជាដើម) មកប្រើ Mac (OS X) ដែលជាប្រព័ន្ធប្រតិបត្តិការដែលដំណើរការប្រសើរជាង លឿនជាង និងមិនមានមេរោគ (Virus) អាចវាយលុក រំខានលោកអ្នកញឺកញាប់ឡើយ ។

មូលដ្ឋានគ្រឹះនៃភាពខុសគ្នា

Mac OS X មិនមាន Start menu ដូច Windows ឡើយ ប៉ុន្តែគេប្រើ Dock ជំនួសវិញ ដែលជាទូទៅគេកំណត់នៅខាងក្រោម (អ្នកអាចកំណត់ដាក់ខាងលើ ឬឆ្វេងស្តាំតាមចិត្តបានផងដែរ) ។ កម្មវិធីមួយចំនួនបានដាក់លើ Dock រួចស្រេច ដែលលោកអ្នកអាចចុចលើកម្មវិធីណាមួយដើម្បីដំណើរ ។

ចំណែកឯឯកសារ ទិន្នន័យ (Folders & Files) កម្មវិធីទាំងអស់, Drive នីមួយៗ (ក្នុង Mac ហៅថា Partition), កន្លែងទុកពុម្ពអក្សរ (Fonts) ទាំងឡាយលោកអ្នកអាចស្វែងរកបានក្នុង Finder (ប្រៀបក្នុង Windows ហៅថា Windows Explorer) ។
Finder-s

ស្វែងរកអ្វីគ្រប់យ៉ាង

Mac OS X មានឧបករណ៍ស្វែងរកដ៏ល្អជាងគេ ដែលលោកអ្នកអាចស្វែងរកឯកសារ (Files ឬ Folders) និងកម្មវិធីនានាបានផងដែរ ដោយគ្រាន់តែចុចលើប៉ែកខាងស្តាំ ខាងលើបំផុតនៃអេក្រង់របស់អ្នក ។ ឧបករណ៍ស្វែងរកនេះ គេហៅថា Spotlight លោកអ្នកក៏អាចប្រើ Spotlight បានតាមទម្រង់ខ្លី ដោយចុច Command+Spacebar នឹងវានឹងលោតប្រអប់ស្វែងរកចេញមក ។
spotlight_search

ការប្រើប្រាស់ក្តារចុច (Keyboard) និង Mouse

ការប្រើប្រាស់ក្តារចុចភាគច្រើនមានប្រសិទ្ធិភាពច្រើនជាង នៅក្នុង Windows ដែល Key option គឺស្មើនឹង Key Alt (សម្រាប់ Windows) ហើយគ្មាន Key Backspace ដូចក្នុង Windows ឡើយ មានតែ Key Delete ។ មួយវិញទៀត ប្រសិនបើលោកអ្នកចង់ចុច Mouse ស្តាំ (Right Click) លោកអ្នកត្រូវប្រើម្រាមដៃពីរ (ចុចស្របគ្នាក្នុងពេលតែមួយ) ឬប្រសិនបើលោកអ្នកប្រើ Mouse អាចចុច Mouse ស្តាំបានដូចធម្មតា ។
រូបខាងក្រោមនេះ គឺជាការកំណត់ Trackpad ក្នុងការចុចនានា តាមតម្រូវការលោកអ្នក ដោយចូលទៅកាន់ System Preferences ហើយចុចលើ Trackpad៖

អត្ថបទលម្អិតបន្ថែមពីការប្រើ Trapad៖ វិធីទាំង ១២ របៀបក្នុងការប្រើប្រាស់ TrackPad

ការប្រើប្រាស់ Finder និងធាតុដែលមានក្នុងនោះ

ដូចការលើកឡើងខាងលើអ៊ីចឹង Finder នៅក្នុង Mac ដូចជា Windows Explorer ក្នុង Windows ដូច្នោះដែរ ។ វាគ្មានទម្រង់ខ្លី ណាដែលអាចចុចឲ្យបើក Finder បានទេ លោកអ្នកអាចចុចលើ Finder ដោយផ្ទាល់ដើម្បីបើករកឯកសារ និងកម្មវិធីនានា ។
finder_smiley

នៅក្នុងផ្ទាំង Finder លោកអ្នកអាចចម្លង Files ឬ Folder បានដោយចុចលើ Command+C – ក្នុង Windows Ctrl+C ដើម្បីចម្លង (Copy) និង Paste ដោយចុច Command+V – ក្នុង Windows Ctrl+C ហើយបើលោកអ្នកចង់កែឈ្មោះ (rename) គ្រាន់តែចុច Key return និងវាយឈ្មោះថ្មី គឺជាការស្រេច – ដែលក្នុង Windows គេហៅ Key Enter ប៉ុន្តែមិនមែនសម្រាប់ដូរឈ្មោះដូចក្នុង Mac ទេ ។ គួរចំណាំផងដែរថា៖ Key return មិនអាចប្រើដើម្បីបើកកម្មវិធីដូចក្នុង Windows នោះទេ ។
finder

បន្ថែមពីនេះទៀត លោកអ្នកក៏អាចក្រឡេកមើលទៅប៉ែកខាងឆ្វេង ដែលក្នុងនោះមាន Desktop, Documents, Downloads, Application, Movies, Music ស្រដៀងក្នុង Windows ដែរ ។ ប៉ុន្តែមិនមាន Drive C, Drive D នោះទេ ដែលជាទូទៅ មានតែមួយ Partition (ក្នុង Windows ហៅថា Drive) ប៉ុណ្ណោះ ។ ប្រសិនបើលោកអ្នកគិតថា ចង់បង្កើតពីរ សូមបង្កើតបន្ថែមទៀត តាមរយៈ Disk Utility ដែលទាមទារបច្ចេកទេសមួយចំនួន លោកអ្នកអាចដាក់មតិសួរសំបុកអាយធី ពីជំហានលម្អិតក្នុងការបង្កើត ជៀសវាងការអនុវត្តន៍ខុស អាចប៉ះពាល់ដល់ទិន្នន័យលោកអ្នក ក៏ថាបាន ។

អត្ថបទគួរអាន៖ របៀប Lock Folder នៅក្នង Mac [ងាយបំផុត]

ការកំណត់ និងកម្មវិធីនានា

ដើម្បីបិទកម្មវិធីនីមួយៗ លោកអ្នកចាំបាច់ត្រូវ Quit កម្មវិធីនោះ មិនអាចគ្រាន់តែចុចលើប៊ូតុងក្រហម (ខ្វែង) ដូចក្នុង Windows បានទេ វាគ្រាន់តែ Minimize (លាក់) តែប៉ុណ្ណោះ ហើយកម្មវិធីនោះនៅតែដំណើរការដដែល ដរាបលោកអ្នកប្រើម្រាមពីរ (Right Click) ហើយយកពាក្យ Quit ទើបវាឈប់ដំណើរការ ។
ចំណាំ៖ កម្មវិធីដែលកំពុងបើក វានឹងចេញសញ្ញាត្រេ ពណ៌សភ្លឺ នៅក្រោមរូប iCon នៃកម្មវិធីនោះ ។
Opened_Application

លោកអ្នកក៏អាចពិនិត្យបានផងដែរ ពីដំណើរការណាមួយ ដែលចំណាយកំលាំង CPU ឬ Memory ច្រើនជាងគេ ដោយចូលតាម Spotlight វាយពាក្យថា Activity Monitor នោះលោកអ្នកនឹងងាយក្នុងការគ្រប់គ្រង ។

ចុះបិទកុំព្យូទ័រដោយរបៀបណា?

នេះជាចំណុចសំខាន់ជាងគេ ព្រោះថាលោកអ្នកមិនអាច Sleep វាចោលយូរពេកទេ ដោយគ្រាន់តែបិទគម្រប MacBook វានឹង Sleep ដោយស្វ័យប្រវត្តិ ហើយនឹងមិនចំណាយថាមពលច្រើនដូច Laptop ដែលដំណើរការជាមួយ Windows ឡើយ ។ នេះជាលក្ខណៈពិសេសមួយ ដែល MacBook មាន ហើយ Laptop ដទៃមិនមាន ។ ក្រឡេកចូលមកក្នុងការបិទកុំព្យូទ័រ (Shutdowm), Restart និង Logout វិញ លោកអ្នកគ្រាន់តែចុចលើរូប Logo Apple នៅប៉ែកខាងឆ្វេង ខាងលើ ។
Shutdown-Restart-Logout

យ៉ាងណាក្តី នៅមានចំណុចច្រើនទៀត ដែលអ្នកទើបប្រើ Mac ថ្មី (ប្តូរមកពី Windows) ត្រូវសិក្សាស្វែងយល់បន្ថែម សូមចូលអានគន្លឹះនានាបន្ថែមក្នុងការប្រើប្រាស់ Mac ចុចទីនេះ ។

0 comments

Hard Disk Wireless ប្រើជាមួយ iPhone/iPad/Mac

| 0 comments

Hard Disk Wireless ប្រើជាមួយ iPhone/iPad/Mac

សរសេរដោយ៖ ហ៊ាន ម៉ាលាភ ៧ មករា ២០១៤ ចំណាត់ថ្នាក់៖ គន្លឹះ Internet ដាក់មតិ

LaCie បានប្រកាសនូវ External Hard Drive Wireless មួយដែលមានឈ្មោះថា Fuel និងមានទំហំផ្ទុកទិន្នន័យបានរហូតដល់ 1TB ដែលអាចប្រើជាមួយ iPad , ទូរស័ព្ទ iPhone និង Mac ។ ឧបករណ៍នេះមិនតម្រូវឱ្យមានInternet នោះទេ វាត្រូវការតែ Hostspot Wi -Fi ដើម្បីអាចបន្ថែមទំហំផ្ទុកទិន្នន័យទៅឱ្យ iOS ឬ Mac បាន ។ លើសពីនេះទៀត ដោយមាន AirPlay អ្នកអាចចាក់ Video ដែលមាននៅក្នុង Hard Disk នេះនៅលើ Apple TV តាមរយៈ Wireless ផងដែរ ។

Hard Disk Wireless ធ្វើឱ្យលោកអ្នកប្រើប្រាស់ iPhone/iPad មានអារម្មណ៍ថាលោកអ្នកកំពុងតែប្រើប្រាស់ iPhone/iPad ដែលដែលមានទំហំផ្ទុកទិន្នន័យយ៉ាងច្រើននៅក្នុងដៃរបស់អ្នកបានរហូត ទៅដល់ ១០ម៉ោងដោយមិនប្រើខ្សែរឬ Internet អ្វីឡើយ។ ប៉ុន្តែវាអាចដើរតួជាអ្នកចែករំលែក Internet ពី Device មួយទៅDevice ផ្សេងទៀតបាន។
លក្ខណៈមួយទៀតនោះជាមួយនឹង AriPlay អ្នកអាចធ្វើការបញ្ជារពីទូរស័ព្ទ iPhone ដើម្បីបើក Video មើលរូបភាពដែលមាននៅក្នុង Hard Disk Wireless មួយនេះនៅលើអេក្រង់ធំរបស់Apple TV បាន ។

ការប្រើប្រាស់ជា External Hard Drive ជាមួយ Macក៏ពិសេសណាស់ដែរ ដោយអ្នកអាចប្រើប្រាស់ដោយឥតខ្សែរឬដោយខ្សែរក៏បានជាមួយនឹង USB 3.0 ដែលមានល្បឿនលឿនជាងការប្រើប្រាស់ Wireless រហូតដល់ទៅ ១០ដង។ លោកអ្នកអាច Sync ពី Dropbox ចូលទៅកាន់ External Hard Drive ផ្ទាល់បាន។ មានន័យថានៅក្នុងពេលដែលDropbox របស់អ្នកមានអ្វីនៅក្នុង External Hard Drive មួយនេះក៏មានដូចគ្នា។
LaCie បានអះអាងថាទោះជាមានឧបករណ៍ចំនួន៥ ធ្វើការតភ្ជាប់ទៅកាន់ External Hard Drive មួយនេះក្នុងពេលតែមួយក៏ដោយក៏វានៅតែអាចទប់ទល់នឹងជាមួយនឹងកំលាំង ថ្មរហូតដល់ទៅ១០ ម៉ោងបានដែរ។
សម្រាប់លោកអ្នកដែលមានចំណាប់អារម្មណ៍ សូមទំនាក់ទំនងមកសំបុកអាយធី 017 600 185 / 015 58 51 53 ។

0 comments

របៀបប្រើប្រាស់ Hard Disk Wireless Lacie Fuel

| 0 comments

របៀបប្រើប្រាស់ Hard Disk Wireless Lacie Fuel

សរសេរដោយ៖ ហ៊ាន ម៉ាលាភ ២០ តុលា ២០១៤ ចំណាត់ថ្នាក់៖ គន្លឹះ និងដំណោះស្រាយ ២ មតិ

Hard Disk Wireless Lacie Fuel ជាឧបករណ៍សម្រាប់បន្ថែមចំនួនផ្ទុកទិន្នន័យទៅឱ្យ iPhone/ iPad/ Mac/ PC/ Smart Phone/ Tablet គ្រប់ប្រភេទដោយអ្នកធ្វើការភ្ជាប់ Wi-Fi ទៅកាន់ឧបករណ៍នេះ អ្នកអាចចាក់វីដេអូ ចម្រៀង រូបភាព ឬឯកសារផ្សេងដើម្បីប្រើប្រាស់ដោយមិនចាំបាច់រក្សារទុកឯកសារទាំងនោះ នៅក្នុង ទូរស័ព្ទ ឬកុំព្យូទ័ររបស់អ្នកផ្ទាល់ឡើយ។ ចំនុចពិសេសធំបំផុតរបស់វានោះគឺអ្នកអាចចាក់វិដេអូកំរិតច្បាស់ HD ដោយមិនចាំបាច់ផ្ទុកនៅក្នុងទូរស័ព្ទរបស់អ្នកនាំតែខាត Space។ ខាងក្រោមនេះសំបុកអាយធីនឹងបង្ហាញលោកអ្នកពីរបៀបប្រើប្រាស់ដែលមាន នៅក្នុង Hard Disk Wireless មួយនេះដើម្បីឱ្យលោកអ្នកងាយស្រួលស្វែងយល់ ក៏ដូចជាប្រើប្រាស់ឧបករណ៍ជំនួយនេះឱ្យបានអស់លទ្ធភាព និងសមនឹងតម្លៃ ។

អត្ថបទគួរអាន៖ ឧបករណ៍បន្ថែមទំហំផ្ទុកទៅ iPhone iPad ដល់ 1,000 GB

របៀបភ្ជាប់ពីទូរស័ព្ទ ឬកុំព្យូទ័រទៅ Lacie Fuel

អ្នកគ្រាន់តែចុចប៊ូតុង Power ហើយចាំប្រហែលមួយនាទី ដល់ភ្លើងពណ៌ខៀវឈប់លោត នោះអ្នកនឹងអាចភ្ជាប់ Wifi ទៅកាន់វាតាមរយៈ ទូរស័ព្ទ ឬកុំព្យូទ័ររបស់អ្នកបានហើយ ។
Wifi on Phone Lacie

សម្រាប់ទូរស័ព្ទ ឬ Tablet សូមប្រើជាមួយកម្មវិធី Lacie Media ដែលមាននៅក្នង App Store និង Play Store
សម្រាប់កុំព្យូទ័រសូមចូលតាម Internet Browser ដោយ វាយតាមអសយដ្ឋាន laciefuel.com ឬ IP : 172.25.0.1 ។

ប្រសិនបើអ្នកភ្ចាប់ខ្សែរ USB ជាមួយកុំព្យូទ័រ អ្នកនឹងអាចប្រើប្រាស់វាដូច External Hard Disk ធម្មតាដែរដោយអ្នកអាច Copy ឯកសារចេញចូលបានដោយងាយ ជាមួយនឹងល្បឿនលឿន USB 3.0 ។

របៀប Upload ឯកសារតាម Wireless

ដើម្បីផ្ទេរឯកសារពីទូរស័ព្ទដៃ ឬ Table របស់អ្នកបានអ្នកត្រូវមានកម្មវិធី Lacie Media ដំឡើងនៅលើទូរស័ព្ទអ្នកជាមុនសិន។ សូមចូលទៅ Lacie Media ហើយធ្វើតាមដូចខាងក្រោម៖
icon Lacie Media1

ជ្រើសរើសឈ្មោះ Device របស់អ្នកដូចខាងក្រោម

ចុចលើសញ្ញាដូចខាងក្រោមហើយជ្រើសរើសពាក្យ Edit

បន្ទាប់មក ជ្រើសរើសរូបភាព វិដេអូ ឬបទចម្រៀងដែលអ្នកចង់ Upload ឬ ផ្ទេរចូលទៅក្នុង Lacie Fuel នេះដោយចុចទៅលើវា ហើយចុចលើ Action

សូមចុចលើ Action ហើយជ្រើសរើស Upload ជាការស្រេច ។

របៀប Download ដាក់ក្នុងទូរស័ព្ទ ឬកុំព្យូទ័រ

របៀប Download មិនខុសពី រៀប Upload ប៉ុន្មានទេដោយអ្នក ចូលទៅដោយអ្នកគ្រាន់តែចូលទៅឯកសារណាមួយដែលមានក្នុង Hard Disk នេះហើយជ្រើសរើសឯកសារណាមួយដែលអ្នកចង់បានដាក់ក្នុងទូរស័ព្ទដៃ របស់អ្នក ហើយយកពាក្យ Edit ហើយជ្រើសយក Download ជាការស្រេច ។

របៀបចាក់វីដេអូបានគ្រប់ប្រភេទ Files

ជាធម្មតា File វិដេអូតែងមានប្រភេទខុសៗពីគ្នា ដោយសារតែកម្មវិធីសម្រាប់ចាក់វិដេអូទាំងនៅក្នុង iOS និង Android ដែលមានមកស្រាប់វាមិនអាចចាក់បានមួយចំនួនបានឡើយ ដូចនេះអ្នកត្រូវមានកម្មវិធីជំនួយសម្រាប់ចាក់បានគ្រប់ ប្រភេទវិដេអូ (ដូចជា *mkv ជាដើម) យើងសូមណែនាំកម្មវិធី 2 ប្រភេទដែលអាចចាក់វិដេអូបានគ្រប់ប្រភេទ គឺ VLC និង Dragon Media Player Lite សម្រាប់ Android។ ដើម្បី Play Video បានសូមភ្ជាប់ទូរស័ព្ទអ្នកជាមួយ Lacie Fuel ដោយ Wifi ជាមុនសិន បន្ទាប់មកសូមបើកកម្មវិធី VLC ឬ Dragon Media Player Lite (សូមលើកយក Dragon Media Player Lite មកធ្វើការបង្ហាញ) ។

ចុចលើសញ្ញារូបនាគតូច ដែលនៅខាលើនិងឆ្វេងបំផុត

បន្ទាប់មកជ្រើសយក Local Network

រងចាំបន្តិចវានឹងបង្ហាញ Lacie Fuel 2410 ហើយចុចលើវា

ជ្រើសយក Video នោះអ្នកនឹងឃើញបញ្ជីរាយឈ្មោះវីដេអូនៅក្នុង Hard Disk របស់អ្នក។

ពេលនេះអ្នកអាចចាក់វិដេអូគ្រប់ប្រភេទ ដែលមាននៅក្នុង Hard disk នេះហើយ

របៀបភ្ជាប់ Wifi ប្រើប្រាស់ Internet

នៅពេលដែលអ្នកភ្ជាប់ Wifi ទៅកាន់ឧបករណ៍នេះហើយអ្នកមិនបាច់បារម្ភថា អ្នកមិនអាចប្រើប្រាស់ Internet តាមរយៈ Wifi ដទៃទៀតនោះទេ ដោយនៅក្នុងឧបករណ៍នេះអាចធ្វើជា Repeater សម្រាប់អ្នកភ្ជាប់ Wifi ប្រើប្រាស់ Internet ដទៃទៀតបាន។
សូមជ្រើសយក Connected ដូចរូបខាងក្រោម

អ្នកនឹងឃើញ Wifi ដែលឧបករណ៍នេះអាចចាប់បាន សូមជ្រើសរើស Wifi ណាមួយដែលអ្នកអាចប្រើប្រាស់ Internet បាន

របៀបដាក់ និងប្តូរ Password

Lacie Fuel ដែលមានសភាពដើមទាំងស្រុងគឺមិនមាន Password ភ្ជាប់មកជាមួយនោះទេ ដូចនេះអ្នកណាក៏អាចចូលទៅប្រើប្រាស់ឯកសារបានដែរឱ្យតែភ្ជាប់ Wifi ទៅវាបាន។ នៅពេលលោកអ្នកចាប់ផ្តើមប្រើប្រាស់វាអ្វីដេលត្រូវធ្វើមុនគេ នោះគឺដាក់លេខសម្ងាត់ទៅលើវាដើម្បីបង្ការអ្នកណាម្នាក់ប្រើប្រាស់ ទិន្នន័យរបស់អ្នកដោយមិនមានការអនុញ្ញាតបាន។
ដើម្បីប្តូរឬដាក់លេខសម្ងាត់បានសូមចូលទៅ Setting => Turn Wi-Fi Password នោះអ្នកនឹងអាចដាក់ លេខសម្ងាត់បានហើយ (លេខសម្ងាត់តិចបំផុតត្រូវមាន 8 ខ្ទង់)

ពិតជាមិនពិបាកប្រើប្រាស់ទេមែនទេ? បើលោកអ្នកមានចំណាប់អារម្មណ៍ សូមទាក់ទង 017 600 185 / 015 58 51 53 ដែល Lacie Fuel Hard Disk Wireless មានពីរទំហំ 1TB (តម្លៃ $295) និង 2TB (តម្លៃ $395) ។

0 comments

ក្តារចុចជំនាន់ថ្មីសម្រាប់ iOS អាចទាញយកដោយឥតគិតថ្លៃ

| 0 comments

ក្តារចុចជំនាន់ថ្មីសម្រាប់ iOS អាចទាញយកដោយឥតគិតថ្លៃ

សរសេរដោយ៖ Lao Sopheak ១៧ តុលា ២០១៤ ចំណាត់ថ្នាក់៖ គន្លឹះ និងដំណោះស្រាយ ១ មតិ

បន្ទាប់ពី Apple បានដាក់ឲ្យប្រើប្រាស់ iOS 8 ដែលមានលក្ខណៈពិសេសជាច្រើន ដែលក្នុងនោះក៏បានអនុញ្ញាតឲ្យលោកអ្នកដំឡើងក្តារចុចបន្ថែមបានផងដែរ ។ ដោយមើលឃើញពីចំណុចខ្វះខាតមួយចំនួន នៃការប្រើប្រាស់ iOS 8 លើ iPhone ឬ iPad ដែលត្រូវការវាយអក្សរខ្មែរ ទើបលោក គ្រុយ វណ្ណា ទើបបញ្ចប់អនុបណ្ឌិតនៅប្រទេសជប៉ុន បានបង្កើតកម្មវិធី ក្ដារចុចឆ្លាតវៃ ថ្មីមួយ ត្រូវបានបង្កើតឡើងដើម្បីធ្វើឲ្យការសរសេរអក្សរខ្មែរនៅលើទូរស័ព្ទលឿនជាងមុន ។

ចំណុចពិសេសរបស់វាគឺអត់មានប៊ូតុង Shift ទេ គឺគ្រាន់តែទាញចុះក្រោមជំនួសវិញ ។ នៅចំណុចពិសេសជាច្រើនទៀតដែលអាចជួយឲ្យការសរសេរលឿនជាងមុនដូចជា

អូសខាងឆ្វេងដើម្បីលុបអក្សរ
អូសខាងស្ដាំដើម្បីដូរ លេខនិងស្រះពេញតួ
អូសខាងលើដើម្បីយកអក្សរដោយមិនបាច់ ដូរលេខ និងស្រះពេញតួ
អូសប៊ូតុងដកឃ្លាឡើងលើ ចាប់ពីឆ្វេង ឬស្ដាំដើម្បីយកសញ្ញា និង សញ្ញា ។

ក្រោយពីអភិវឌ្ឍកម្មវិធីក្ដារចុចនេះឡើង លោកវណ្ណា សង្ឃឹមថាអ្នកប្រើប្រាស់អាចវាយអក្សរខ្មែរបានលឿន វាអាចកាត់បន្ថយ បញ្ហាប្រើអក្សរអង់គ្លេសមកសរសេរជំនួសភាសាខ្មែរ (អក្សរឡាតាំងអក្សរប្រកប) ហើយអក្សរខ្មែរនឹងមានការប្រើប្រាស់ច្រើនជាងមុន។ កម្មវិធីនេះទើប ដាក់ឲ្យទាញយកនៅលើ ប៉ុណ្ណោះហើយនឹងអភិវឌ្ឍន៍បន្ថែមនៅ Androrid ឆាប់នេះផងដែរ។

0 comments

កំហុសទាំង ៦ យ៉ាងក្នុងការជ្រើសរើស Power Bank

| 0 comments

កំហុសទាំង ៦ យ៉ាងក្នុងការជ្រើសរើស Power Bank

សរសេរដោយ៖ ហ៊ាន ម៉ាលាភ ១៥ តុលា ២០១៤ ចំណាត់ថ្នាក់៖ គន្លឹះ និងដំណោះស្រាយ ដាក់មតិ

សព្វថ្ងៃមានទស្សនៈយល់ខុសជាច្រើនទៅលើការ ជ្រើសរើស Power Bank សម្រាប់សាកថ្ម ទូរស័ព្ទ ឬឧបករណ៍ផ្សេងៗយកមកប្រើប្រាស់។ ដោយមានអ្នកខ្លះគិតថាការជ្រើសរើស Power Bank ដែលមាន Capacity(mAh) ខ្ពស់អាចសាកថ្មបានច្រើនដង ជាជម្រើសត្រឹមត្រូវសម្រាប់គេ។ តាមពិតទៅវាមិនដូច្នេះឡើយ ដែលការជ្រើសរើស Power Bank គឺអាស្រ័យទៅលើ Capacity(mAh) នៃប្រភេទឧបករណ៍ (Smart Phone, Tablet/iPad) ដែលអ្នកកំពុងប្រើប្រាស់ទៅវិញទេ ។

ជាទូទៅកម្រិតស្តង់ដារនៃ Capacity(mAh) សម្រាប់សាក Smart Phone (iPhone, Samsung, LG… ) និង Tablet (iPad , Galaxy Note 10.1 …) ត្រឹម 10,000mAh-10,400mAh តែប៉ុន្នោះ។
សំបុកអាយធីនឹងបង្ហាញលោកអ្នកពីកំហុសទាំង ៦ យ៉ាងក្នុងការជ្រើសរើស Power Bank ដែលលោកអ្នកត្រូវជៀសវាង៖

១. Power Bank តម្លៃថោកហើយមាន Capacity(mAh) ធំ

Power Bank ដែលមានតម្លៃថោកភាគច្រើនគុណភាពពិបាកទទួលយកណាស់ ដោយ Power Bank ទាំងនោះជាម៉ាកជជុះ ឬក្លែងក្លាយហើយមួយចំនួនធំត្រូវបានបង្កើតជាមួយ refurbish battery (របស់ខូចជួសជុលក្នុងរោងចក្រ យកមកប្រើឡើងវិញ) ដែលជាមូលហេតុនាំឱ្យវាមានតម្លៃថោកជាងឧបករណ៍ Original ។
20139282037298864151

អ្នកគួរជ្រើសរើស Power Bank ដែលមានការធានាច្បាស់លាស់ ឬម៉ាកល្បីដែលអ្នកបានស្គាល់ថាជាម៉ាក់ដែលមានគុណភាពទៅលើផលិតផល របស់ខ្លួន។ តម្លៃវាអាចនឹងថ្លៃជាងធម្មតាប៉ុន្តែវាពិតជាជួយសន្សំសំចៃឱ្យអ្នក ទៅវិញទេ ទាំងពេលវេលានិង ថវិកា។ តើកម្រិត Capacity ដល់ទៅ 30,000 mAh អាចសាក iPad បានប៉ុន្មានដង?

២. ទិញ Power Bank ដោយគិតទៅលើតែ capacity (mAh)

មូលហេតុចំបងក្នុងការទិញ Power Bank គឺងាយស្រួលយកតាមខ្លួនគ្រប់ទីកន្លែង។ Power Bank មិនមែនជាឧបករណ៍សម្រាប់សាកថ្មគ្រប់ពេលវេលានោះទេ វាជាឧបករណ៍សម្រាប់ជំនួសពេលដែលអ្នកគ្មានភ្លើងអគ្គិសនីប្រើប្រាស់ ឬក្នុងករណីត្រូវចេញទៅក្រៅដោយមិនបានសាកថ្មជាមុន។ បើដូចនេះតើអ្នកចង់បាន Capacity ធំធ្វើអ្វី? ប្រសិនបើអ្នកប្រើប្រាស់ iPad/Tablet វាជាហេតុផលសមរម្យមួយដែលអ្នកគួរជ្រើសរើស Power Bank ដែលមាន Capacity ធំយកមកប្រើប្រាស់។ ជម្រើសដែលសមរម្យបំផុតគឺ Power Bank ដែលមានកំរិត Capacity 10,000 mAh ។

៣. មិនបានគិតដល់អាយុកាលនៃការប្រើប្រាស់ (Life Time)

ជាទូទៅ Power Bank ដែលមានកម្រិតស្តង់ដារដែលអាចទទួលយកបានក៏មានអាយុកាលនៃការសាក ថ្មតិចបំផុតក៏ 500 ដងដែរ ដែលអាយុកាលនៃការសាកថ្មរបស់ Power Bank អាស្រ័យទៅលើប្រភេទ Cell Batteries ដែលនៅក្នុងវានោះ។ ដោយសារតែពពួក Power Bank ជជុះត្រូវបានបង្កើតឡើងដោយ refurbish battery ហេតុនេះហើយអាយុកាលរបសវាមានច្រើនបំផុតត្រឹម 200 ដង លើសពីនេះទៅទៀតនៅពេលដែលអ្នកចាប់ផ្តើមប្រើបានប្រហែលជា 50-100 ដងវានឹងចាប់ផ្តើមអន់ទៅៗ ដែលនេះហើយជាអ្វីដែលអ្នកគួរតែគិតមុនពេលជ្រើសរើស Power Bank ឱ្យបានត្រឹមត្រូវ។
Power_Bank_Sony

៤. ជ្រើសរើស Power Bank ដោយមិនបានគិតពីលក្ខណៈពិសេស

អ្នកទិញ Power Bank មួយចំនួនតែងគិតថា Power Bank គ្រាន់តែជាឧបករណ៍សម្រាប់សាកថ្មតែប៉ុន្នោះ ប៉ុន្តែការគិតនេះពិតជាខុសស្រលះ។ Power Bank ដែលអ្នកគួរជ្រើសប្រើគួរមានចំនុចពិេសស ដែលអាចការពារទូរស័ព្ទរបស់អ្នកដែលសាកជាមួយវាឱ្យមានសុវត្ថិភាព។ ខាងក្រោមនេះជាលក្ខណៈពិសេសដែល Power Bank គួរតែមានសម្រាប់ការពារឧបករណ៍ដែលសាកថ្មជាមួយវាឱ្យមាន សុវត្ថិភាព៖

Short circuit protection: ការពារឧបករណ៍ដែលសាកជាមួយវានៅពេលមានបញ្ហា Short Circuit កើតឡើង (បញ្ហានេះកើតឡើងនឹងធ្វើឱ្យចរន្តបុកខ្លាំង)។
Over Charged Protection: នៅពេលទូរស័ព្ទអ្នកដាក់សាកកជាមួយនឹង Power Bank យូរពេកវានឹងធ្វើការផ្តាច់ចរន្តដោយស្វ័យប្រវិត្ត។
Temperature Protection: ការពារមិនឱ្យទូរស័ព្ទអ្នកឡើងក្តៅជ្រុលក្នុងពេលសាកថ្ម ។

ខាងលើនេះជាលក្ខណៈពិសេសទូទៅដែល Power Bank ត្រូវមានដោយខានពុំបាន ហើយរូបភាពខាងក្រោមនេះយើងចង់បញ្ជាក់ពីលក្ខណៈពិសេសរបស់ Power Bank TP-Link ។

៥. Power bank ដែលមិនមាន output ពិតប្រាកដ

ដូចអ្វីដែលយើងបាននិយាយពីខាងដើមអញ្ចឹងដែរ គឺថាពពួក Power Bank ជជុះមិនមាន Output ត្រូវនឹង Device របស់ខ្លួនទេ! យើងសូមលើក Power Bank ពីរម៉ាកគឺ Sony Portable Charger Power Bank (មាន Port ចំនួន 2 Output:3.6A សាកឆាប់ពេញ) និង TP-Link TL-PB10400 (មាន Port ចំនួន 2 Output: 1A និង 2A) ដែលជាផលិតផលដែលមាន Output ច្បាស់លាស់និងត្រឹមត្រូវ។ ចំនួន Output របស់ Power Bank រឹតតែធំនឹងធ្វើឱ្យការសាកថ្មពេញទៅលើទូរស័ព្ទរបស់អ្នករឹតលឿន ផងដែរ ។

៦. Power Bank ដែលមាន UL Certification

មិនមែនគ្រប់ Power Bankទាំងអស់សុទ្ធតែមាន UL certification នោះទេ។ លុះត្រាតែម៉ាកនៃ Power Bank នោះត្រូវបានទទួលស្គាល់ពីគុណភាពរបស់វាជាមុនសិន។ ដែល Power Bank ដែលមាន UL certification អាចធានាបាននូវគុណភាពជាស្តង់ដារ ហើយមាន output ពិតប្រាកដនិងមានសុវត្ថិភាពចំពោះ ឧបករណ៍ដែលសាកថ្មពីវាបាន។

សេចក្តីសន្និដ្ឋាន

សរុបមកវិញ ក្រោយពីអានអត្ថបទនេះចប់ លោកអ្នកប្រហែលជាមានការយល់ដឹងបន្ថែមមួយចំនួនទាក់ទងនឹងការជៀសវាង ក្នុងការប្រើប្រាស់ Power Bank ដែលមិនមានគុណភាព ហើយថែមទាំងអាចប៉ះពាល់ដល់អាយុកាលថ្មទូរស័ព្ទទៀតផង ។ គ្រាន់តែស្រមៃថា iPhone 6, 5 ដែលមានតម្លៃច្រើនជាង $500 បែរជាមកខូចថ្មនឹង Power Bank ដែលមានតម្លៃ មិនដល់ $30 ទៅវិញ? គួរឲ្យឈឺចាប់ទេ?

ទោះជាយ៉ាងណា វាជាការសម្រេចចិត្តរបស់លោកអ្នក ក្នុងការទិញ Power Bank ប្រភេទណាឲ្យស័ក្តសមនឹងជម្រើស និងតម្រូវការជាប្រចាំរបស់លោកអ្នក ។
សូមកុំទិញ Power Bank ទោះប្រភេទណាក៏ដោយ បើលោកអ្នកគ្រាន់តែជំនួសភាពខ្ជិលច្រអូសរបស់លោកអ្នក ក្នុងការដើរទៅសាកថ្មផ្ទាល់ពីថាមពលអគ្គីសនី ។ ក្នុងករណីចាំបាច់ បើលោកអ្នកត្រូវការធ្វើការជាញឹកញាប់តាមផ្លូវ ដោយមិនមានថាមពលអគ្គីសនី (គ្រប់វ៉ុល) នៅក្បែរខ្លួន នោះការទិញ Power Bank ជាជម្រើសល្អ ។ មិនថា Power Bank ប្រភេទណា ឬធ្លាក់មកពីលើមេឃនោះទេ ពេលប្រើជាញឹកញាប់ ឬជាប្រចាំជាមួយនឹង iPhone, iPad, Android, វានឹងងាយខូចអាយុកាលថ្ម យ៉ាងពិតប្រាកដ ។

0 comments

Welcome Cambodia